Майқайыңдағы апат болған жерге көріпкел шақыртылған: ТЖД мәлімдеме жасады
ТЖД көріпкелдің келуіне еш қатысы жоқ екенін мәлімдеді
Майқайың кенішіндегі қайғылы оқиға болған орынға көріпкелдерді жоғалып кеткен құтқарушылардың туыстары шақырған, деп хабарлайды Azattyq Ruhy агенттігі Pavlodarnews-ке сілтеме жасап.
Айта кетейік, әлеуметтік желіде Майқайың кенішінде құлап кеткен автобустағы құтқарушыларды іздестіруге Айгүл есімді көріпкелдің шақыртылғаны туралы ақпарат тарады.
Төтенше жағдайлар департаментінің баспасөз қызметі Майқайың кенішіне көріпкелдің келуіне еш қатысы жоқ екенін мәлімдеді.
«Ешбір бөлім олардың бұл әрекетіне кедергі бола алмайды. Ол олармен бірге қауіпсіз қашықта болды. Құтқарушылар жүргізген іздестіру-құтқару жұмыстары жүргізілген жерге жақындамады», – дейді департаментте.
Төтенше жағдайлар қызметінің қызметкерлері мен басқа да мамандар нұсқаулыққа сәйкес жұмыс істейді. Топырақтың қозғалуын сканерлеуге арналған жабдық, геосканер және металл іздегіш пайдаланылады. Сондай-ақ, шұңқырдың түбінде кинологиялық бригадалар үнемі жұмыс істейді. Жұмыс бағыты мамандандырылған аспаптардың көрсеткіштеріне қарай реттеледі.
Тақырыпқа орай: Майқайыңдағы апатқа кипрлік миллиардер жауап бере ме: Бас прокуратура мәлімдеме жасады
Еске сала кетейік, жұмысы тоқтатылған «Майқайың-алтын» шахтасының маңында автобус жер астына құлап кеткен. Екі адамның мәйіті табылды. Өзге адамдар іздестіріліп жатыр.
ҚР Төтенше жағдайлар министрлігі іздеу жұмыстарына шетелдік мамандарды тарту талап етілмейтіні туралы хабарлаған болатын. 18 қаңтарда экскаватордың көмегімен автобус корпусының бір бөлігі, жоғалған адамдардың құтқару жабдықтары мен жеке заттары табылды.
