Шымкентте есірткі зертханасын ашып, оны Telegram арқылы сатқан күдікті ұсталды
Күдікті уақытша ұстау изоляторына қамалды
Шымкентте есірткі зертханасын ашып, оны Telegram әлеуметтік желісі арқылы сатқан күдікті ұсталды, деп хабарлайды Azattyq Rýhy.
Қалалық прокуратураның мәліметінше, сотқа дейінгі тергеп-тексеру басқармасы ұйымдасқан қылмыстық топ мүшелерінің қалада есірткі зертханасын құрғанын, сондай-ақ «Telegram» әлеуметтік желісіндегі «DDD_Shym» интернет-дүкені арқылы тыйым салынған заттарды сатқанын анықтады.
«Күдікті УҰИ-ға қамалып, ҚК-нің 297-бабының 4-бөлігімен (есірткі, психотроптық заттарды, сол тектестерді өткізу мақсатында заңсыз иемдену, сақтау, тасымалдау, оларды жөнелту не өткізуді қылмыстық топ жасаған) сотқа дейінгі тергеп-тексеру амалдары жалғасуда.
ҚР ҚПК 201-бабының талаптарына сәйкес өзге ақпарат жариялауға жатпайды», - делінген прокуратура хабарламасында.
