Алматы әуежайында кепілдікке алынған қыз құтқарушысымен кездесті
Әбдірайымов оқырмандарына қыздың жағдайы жақсы екенін жеткізді
Алматы әуежайында кепілдікке алынған қыз оны құтқарған Мұса Әбдірайымовпен кездесті. Ол бұл сәтті суретке түсіріп, әлеуметтік желіде бөлісті, деп хабарлайды Azattyq Rýhy.
«Сіздер әуежайда болған оқиғаны көрген шығарсыздар. Бүгін біз қыздың хал-жағдайын білу үшін оны зиярат еттік. Аллаға шүкір, бәрі жақсы. Алдағы күндеріміз тек жарық әрі тыныш болсын!» – деп жазды ол.
Еске сала кетейік, оқиға 7 наурыз күні сағат 11:45 шамасында Алматы әуежайының ішкі рейстер терминалында болды. Авиациялық қауіпсіздік қызметінің тексеру бөлімінің қызметкерлері бір ер адамнан құжаттарын көрсетуін сұраған кезде, ол тексеруші қызды шашынан тартып, пышақпен қорқыта бастаған. Сол кезде Мұса Әбдірайымов пышақпен қаруланған қылмыскерді залалсыздандырып, Алматы әуежайының қызметкерін құтқарып қалған еді. Қаскүнем өзін жолаушы ретінде көрсетіп, тексеру аймағына кіріп, қызметкерді тұтқынға алған. Оқиға кезінде президент Қасым-Жомарт Тоқаев Алматы әуежайында адамды кепілге алу жағдайы жөнінде хабардар екені де айтылды. Кейін Алматы әуежайында қыз баланың орнына өзін кепілге алуды ұсынып, артынша шабуыл жасағанның қолынан пышағын тартып алған ер адамның кім екені анықталды. Ол «Жігіттер» тобының әншісі Бағлан Әбдірайымовтың кіші әкесі екені белгілі болды. Сонымен қатар журналист Жансейіт Қабылтаев Telegram желісіндегі парақшасында былтыр қаладағы автобуста әйел адамға шабуыл жасаған дәл осы адам болуы мүмкін екенін айтты.
