Тау бөктерінен бөлшектелген тауешкі еті табылды

Алматы облысында бөлшектелген тауешкінің еті табылды, – деп хабарлады Polisia.kz. 

Полицейлер орман шаруашылығы және әскери қызметшілермен бірге Алматы облысы аумағында арнайы рейдтік іс- шаралар ұйымдастырған.

Тау бөктеріндегі жерлерді қарау барысында, Алакөл ауданы Көктұма ауылының 1966 жылғы тұрғынының жайылымдық учаскесінен пакетке салынған 2 тауешкінің еті табылды. Ұсталған азамат Сарыбөктер таулы аймағынан аңшылық қарумен 2 тауешкіні атып алғанын мойындады.

«Қазіргі уақытта ҚР ҚК 337-бабы «Заңсыз аң аулау» бойынша қылмыстық іс қозғалды. Бөлінген 2 тауешкінің еті, мылтық, патрон гильзасы және басқа да заттар айғақзат ретінде тіркеліп, тәркіленді. Сотқа дейінгі тергеу амалдары басталды»,-делінген сайтта.