Елордада Еңлік-Кебек көшесінің бір бөлігі жөндеуге жабылады

Елордалық Көлік және жол-көлік инфрақұрылымын дамыту басқармасы жол қозғалысы қауіпсіздігін қамтамасыз ету мақсатында қалалық ПД әкімшілік полиция басқармасының келісімімен Еңлік-Кебек көшесіндегі учаскеде орташа жөндеу жұмыстарын бастайды, деп хабарлайды Azattyq Ruhy Нұр-Сұлтан әкімдігіне сілтеме жасап.

16-17 қыркүйекте жөндеу жұмыстарының жүргізілуіне байланысты Еңлік-Кебек көшесінің Болашақ көшесінен 189 көшеге дейінгі аралығы көлік қозғалысы үшін толығымен жабылады.

«Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды өтінеміз», - делінген хабарламада.