«3 млрд теңгеден астам қаражат салынған»: Түркістанда 25 әйелге қаржы пирамидасын құрды деген айып тағылды
Қаржы пирамидасына 3 мыңнан астам адам қаражат салған
Түркістанда алаяқтық әрекеттерге қатысы бар әйелдер тобы жұмыс істеді, деп хабарлайды облыс орталығының прокуратурасы.
Түркістан қаласының соты қаржы пирамидасын жасады деп айыпталып отырған 25 әйелге қатысты істі қарауда.
«Олар «пирамида» құрып, оған үш мыңнан астам адамды тартты. Бұл ретте қаржы пирамидасына кірген адамдар үш млрд теңгеден астам қаражат салды», - деді Түркістан облысының прокуратурасы.
Қадағалау органы бұл істі тергеумен тәжірибелі қызметкерлер айналысатынын хабарлады.
«Алданған адамдар өз ақшаларын негізінен онлайн режимде инвестициялаған. Осыдан кейін ғана алаяқтардың құрбаны болғанын білген. Қазір кінәлілер ұсталып, тергеу изоляторына қамауға алынды», - деді ведомство.
Түркістан облысының прокуратурасы жұртшылықты сақ болуға, өз ақшаларын күмәнді ұйымдарға салмауды сұрайды.
