Қорғаныс министрі: «Әскерде әлімжеттік жоқ»

Қорғаныс министрі Нұрлан Ермекбаев қазақстандық армияда әлімжеттік жоқ екенін мәлімдеді.

«Кеңес заманындағыдай «дедовщина» сияқты құбылыс қазір армияда жоқ. Мұның бір себебі – қазір азамат әскердегі борышын бір жыл ғана өтейді. Яғни, борышын өтеушілер арасында айырмашылық жоқ. Айырмашылық тек шақыртуда. Ерлердің басы қосылған кез келген ұжымда дау-дамай, келіспеушілік деген болады, алайда қызмет бойынша аға буын жастарды жарғылық заттарды орындауға мәжбүрлейтін жүйелі құбылыс жоқ», - деді министр ОКҚ онлайн-брифингінде.

Қорғаныс министрі армияда қауіпсіздік мәселелеріне көп көңіл бөлінетінін және ол бірінші орында екенін түсіндірді.

«Биыл әскери қызметтегі қауіпсіздік жылы болды. Әскери полиция жанынан арнайы басқарма құрдық, ол қауіпсіздік мәселесіне жауапты: азық-түліктен бастап, жауынгерлік оқ ату қауіпсіздігіне, жауынгерлік техниканы жүргізуге, парашютпен секіруге және т.б. дейінгі мәселелерге қосымша мониторинг жүргізеді.

Әскери қызметкерлер үшін, әсіресе жедел қызметтегілер үшін қауіп-қатерлер өткен жылдармен салыстырғанда әлдеқайда аз. Жастарымыз Қазақстан аумағында қызмет етеді, тәрбие және идеологиялық жұмыстар бойынша командирдің жіті назарында. Барлық әскери бөлімдерде медициналық қызмет көрсетіледі», - деді министр.

Сымбат Ғалымжанқызы, Нұр-Сұлтан