Павлодарда 10 жасар ұлына көлік айдатқан азамат жауапқа тартылды

Павлодар тұрғыны кәмелетке толмаған баласын көлік тізгініне отырғызғаны үшін жауапқа тартылды деп хабарлайды облыстық Полиция департаментінің баспасөз қызметі.

Полицияның кезекші бөліміне жергілікті тұрғындардың бірі хабарласып, қала көшелерінің бірінде кішкентай баланың көлік айдап жүргенін айтқан. Оқиға орнына келген тәртіп сақшылары автокөліктің иесін дереу анықтады, ол – 47 жастағы жергілікті тұрғын екен. Ер азамат 10 жасар ұлына көлік айдауды үйрету үшін, оны тізгінге отырғыза салған.

Осы әрекеті үшін павлодарлық тұрғын 50 АЕК көлемінде айыппұл төлейтін болады.