Ақтөбеде 15 жасар қызбен жыныстық қатынасқа түсіп, ВИЧ жұқтырған азамат сотталды
Айыпталушы өз кінәсін толық мойындады
Кәмелетке толмаған адаммен байланысы үшін 41 жастағы азамат 14 жылға бас бостандығынан айырылды. Оның үстіне, ер адам он бес жастағы қызға АИТВ (ВИЧ- ред.) жұқтырған. Тергеу барысында қылмыскер өз ауруы туралы білсе де, екі жыл қатарынан жас жәбірленушімен жақын қарым-қатынаста болғанын анықтады, деп хабарлады КТК.
Қылмыстық іс бірден екі бап бойынша қозғалды. Жабық процесс барысында айыпталушы өз кінәсін толық мойындады.
"Сот үкімімен ол ҚР ҚК-нің 118-бабының үшінші бөлігінде, 122-бабының төртінші бөлігінде көзделген қылмыстарды жасағаны үшін кінәлі деп танылып, оған төтенше қауіпсіз қылмыстық-түзету жүйесі мекемелерінде 14 жыл бас бостандығынан айыру жазасы тағайындалды", - дейді Ақтөбе облысының қылмыстық істер жөніндегі мамандандырылған ауданаралық сотының жетекші маманы Жұлдыз Сайманова.
