Саясат Нұрбек қай университет студенттерінің жеке дерегі тарап кеткенін айтты

Ғылым және жоғары білім министрі Саясат Нұрбек студенттердің жеке мәліметі тарап кеткен университетті атады, деп хабарлайды Azattyq Rýhy.

«Кибершабуылдарды сараптау орталығының мәліметінше, Семейдегі Шәкәрім атындағы университет студенттерінің жеке мәліметтері telegram арнасы арқылы тарап кеткен. Ол бойынша ішкі тексеріс жүргізіліп жатыр. ЖОО біздің стандарттарымызға қатысты аудиттен өтеді. Оның қорытындысы бойынша университет ақпарат береді»,- деді Саясат Нұрбек.

Оның айтуынша, барлық қажетті маман тартылған.

«Нақтыланған дерек жоқ. Бірақ осы тексерістің қорытындысы бойынша белгілі болады»,- деді министр.