Атырауда базарлар қашан ашылатыны белгілі болды

Атырауда базарлар коронавирус көрсеткіші деңгейі төмен болған жағдайда ғана ашылады. Бұл туралы  Атырау облыстық Тауарлар мен көрсетілетін қызметтердің сапасы мен қауіпсіздігін бақылау департаменті басшысының міндетін атқарушы Амантай Жұмағалиев айтты, деп хабарлайды Azattyq Rýhy тілшісі Атырау облысының коммуникациялар қызметіне сілтеме жасап.

«Дүниежүзілік денсаулық сақтау ұйымының ұсынысы бойынша, коронавирус инфекциясына қатысты өз критерийі бекітілген. Бұл деңгей 7 пайыздан асса, эпидемиологиялық жағдай қиын деген сөз. Егер Атырауда апта бойына инфекция жұқтыру деңгейі төмен сақталатын болса, базарға байланысты карантиндік талаптарға өзгерістер енгізуге болады», – деді Амантай Жұмағалиев.