«10 қарапайым ереже»: жер сілкінісі кезінде не істеу керек?

ТЖМ жер сілкінісі кезіндегі 10 қарапайым ережені сақтауды ұсынды, деп хабарлайды Azattyq Rýhy.

Құтқарушылар мынадай сақтық ережелерін жариялады:

1. Жер дүмпуі кезінде үрейленбеңіз;
2. Жер сілкіну кезінде лифтпен және баспалдақпен түспеңіз;
3. Жиhаздан, терезеден алшақ тұрыңыз;
4. Жасырынатын жерді табыңыз – жоғарғы қабаттарда негізгі іргелі қабырғалардың бұрышында жасырыныңыз;
5. Ғимараттан шығыңыз (төменгі қабат); ал көп қабатты үйлерде жер сілкінісі аяқталған соң ғимараттан шығыңыз;
6. Шығар алдында суды, газды, электр қуатын мүмкіндігіңізше өшіріңіз;
7. Дабыл жол сөмкесін алыңыз (алдын ала дайындау қажет);
8. Электр желілерінің, ғимараттың, ағаштардың жанына жоламаңыз;
9. Жер сілкінісіне дайын болыңыз;
10. Қарт адамдарға, балаларға, мүмкіндігі шектеулі адамдарға көмек көрсетіңіз.

Айта кетейік, бүгін сейсмикалық станциялар желісі 10 сағат 00 минут 30 секундта Алматы аумағында жер сілкінісін тіркеді.