Астанада 19 жастағы алаяқ ұсталды

Елордада әлеуметтік желі арқылы алдау жолымен азаматтардан ақша бопсалаған алаяқ анықталды, деп хабарлайды Azattyq Rýhy қалалық полиция департаментіне сілтеме жасап.

«Құқықтық тәртіп» жедел-профилактикалық іс-шарасы барысында полиция қызметкерлері жалған жарнама беріп, ақша салу арқылы азаматтарға ақшасын көбейтеміз деп уәде берген 19 жастағы алаяқты анықтады. Бұл ретте ол абоненттік нөмірге ақша аударуды сұраған.

Полицейлер күдіктінің 20 алаяқтық фактісін тіркеді.

Астана қалалық полиция департаменті азаматтарды қырағы болуға, алаяқтардың айла-амалына берілмеуге және белгісіз біреулерге ақша аудармас бұрын ақпаратты тексеруге кеңес береді.