Қазақстан өзіне ұқсас елдерден урбанизация бойынша 10 пайызға қалып келеді – Әшімбаев
Қазір қала халқының үлесі 62 пайызға жеткен
Сенат төрағасы Мәулен Әшімбаев «Демографиялық өсу – ұлттың стратегиялық артықшылығының негізі» тақырыбына арналған Үкімет сағатында демографиялық Президент елдегі демографиялық ахуал жайлы өз Жолдауында айтқанын жеткізді, деп хабарлайды Azattyq Ruhy.
«Президенттің тапсырмаларын орындау аясында көші-қон саясаты және ауылдық аумақтарды дамыту тұжырымдамалары қабылданды. Бұл құжаттар еңбек мобильділігін дамытуға, сапалы инфрақұрылымды қалыптастыруға және азаматтардың өмір сүру деңгейін арттыруға бағытталып отыр. Сондай-ақ 2029 жылға дейінгі Ұлттық даму жоспарының жобасына да бірқатар нақты шаралар енгізілді. Енді мемлекеттің жоспарлаудың жаңа жүйесі аясында оларды іске асыруды қамтамасыз етуіміз керек», - деді Әшімбаев.
Спикер атағандай, қарқынды демографиялық өсу зор мүмкіндіктерге жол ашады.
«Сондай-ақ мұндай үрдістерде түйіткелді де естен шығармауымыз керек. Салыстырмалы түрде алғанда біз жас ұлт болып саналамыз. Орташа жас деңгейі - 32 жас. Қазіргі таңда мемлекет бала тууды ынталандыруға арналған әлеуметтік міндеттемелерді жоспарлы түрде атқарып келеді. Көпбалалы отбасыларға арнайы және ай сайынғы жәрдемақылар төленеді. Президент тапсырмасы бойынша биыл «Ұлттық қор-балаларға» бағдарламасы іске асырыла бастады. Халық саны өскен сайын тиісті деңгейде орта және жоғары білім беру, медицина қызметі қажет екені түсінікті. Уақыт өткен сайын біздің азаматтардың өмір сүру ұзақтығы да артып келеді. Ұлттық статистика деректеріне сәйкес, 1991 жылдан бастап өмір сүру ұзақтығы 8 жылға артқан. 2022 жылдың қорытындысы бойынша көрсеткіш 74,4 жасты құрады», - деді төраға.
Ол демографияға қатысты тағы бір үрдіс урбанизация екенін айтты.
«Қазір қала халқының үлесі 62 пайызға жеткен. Қазақстандағы урбанизация деңгейі жан басына шаққандағы кіріс көлемі ұқсас елдерден шамаен 10 пайызға қалып келеді. Орта Азиядағы елдерде ортамерзімді уақытта қала халқының өсімі жалғаса береді деген болжам бар. Ол жұмыс пен баспанамен қамтамасыз етудің өзектілігін арттырады», - деді ол.
