Алматыда тұрақты мекен-жайы жоқ адамдарға Көксай кентінен ғимарат берілді

Карантин кезінде олар бақылауда болады

Бүгінде Алматыдағы Әлеуметтік бейімдеу орталығын тұрғылықты жері жоқ 152 тұрғын паналайды. Орталықтың жұмысы штаттық режимде жалғасуда, деп хабарлайды әкімдік.

«Әлеуметтік әл-ауқат басқармасының мәліметінше, аталған мекеме әлеуметтік-тұрмыстық, әлеуметтік-психологиялық және әлеуметтік-медициналық қызметтерді толық көлемде әрі үздіксіз көрсетіп келеді. Енгізілген карантинге байланысты қызмет алушылардың орталық аумағынан шығуына шектеу қойылды», - делінген ақпаратта.

Бүгінде тұрағы жоқ азаматтардан өтініш түспеген. Десе де, барлық жағдай бақылауда. Тұрағы жоқ азаматтар үшін Көксай кентінде арнайы ғимарат бөлінді. Тұрақты мекен-жайы жоқ азаматтар бұл жерді карантин біткенге дейін паналай алады.