«ШЫҰ+» кездесуі басталды
Кездесуге Ұйымға мүше 10 мемлекеттің басшысы қатысуда
Елордадағы Тәуелсіздік сарайында Шанхай ынтымақтастық ұйымы саммиті аясындағы «ШЫҰ+» кездесуі басталды, деп хабарлайды Azattyq Rýhy.
Кездесуге Ұйымға мүше 10 мемлекеттің басшысымен қатар БҰҰ Бас хатшысы Антониу Гутерриш, БАӘ Жоғары федералдық кеңесінің мүшесі, Рас-әл-Хайма әмірлігінің билеушісі Сауд ибн Сакр әл-Касими, Түрікменстан Халк Маслахатының төрағасы Гурбангулы Бердімұхамедов, Моңғолия Президенті Ухнаагийна Хурэлсуха, Президент Әзербайжан Президенті Ильхам Әлиев, Түркия Президенті Режеп Тайип Ердоған, Қатар Мемлекетінің Әмірі шейх Тәмим бен Хамад Әл Тәни қатысуда.
Осыдан 1 сағаттан астам уақыт бұрын ШЫҰ саммиті аяқталды. Іс-шара барысында Беларусь Ұйымның толыққанды мүшелігіне өтті. 25 құжатқа қол қойылды.
