АҚШ пен Түркия Сириядағы әскери операцияларды уақытша тоқтатуға келісті

17 қазан күні Анкарада өткен келіссөздер нәтижесінде АҚШ пен Түркия Сириядағы әскери операияларды уақытша тоқтатуға келісті, деп хабарлайды «Анадолы».

Келіссөздерге Түркия президенті Режеп Тайым Ердоған мен АҚШ-тың вице-президенті Майк Пенс қатысты. Кездесу жабық режимде өтіп, 2 сағат 40 минутқа созылды.

Кездесу аяқталғаннан кейін АҚШ президенті Дональд Трамп жақсы жаңалығы бар екенін айтып, Twitter парақшасында «Миллиондаған адамның өмірі құтқарылады», - деп жазды.