Ақтөбе қаласының тұрғындарына ескерту жасалды

Синоптиктердің хабарлауынша, 30 қыркүйекте Ақтөбе қаласында атмосферада зиянды заттардың шоғырлануы күшейеді. Бұл құбылыс қолайсыз метеорологиялық жағдайлардың (ҚМЖ) әсерінен туындап отыр, деп хабарлайды Azattyq Rýhy.

Қолайсыз метеорологиялық жағдайлар – атмосфералық құбылыстар жиынтығы. Оларға:

• Тымық ауа,
• әлсіз жел,
• тұман,
• температуралық инверсия жатады.

Бұл факторлар ауаның алмасуын тежеп, зиянды қоспалардың жерге жақын қабатта жиналуына әкеледі. Соның салдарынан ауа сапасы уақытша нашарлап, тұрғындардың денсаулығына кері әсер етуі мүмкін, әсіресе өнеркәсіптік аймақтар мен тығыз қоныстанған аудандарда.