Ақтөбе облысында 575 гектар жер алапат өртке оранды

Ақтөбе облысының Ойыл ауданына қарасты Сарыалжан ауылынан 60 шақырым жерде, Батыс Қазақстан облысының Қобда ауданымен шекара тұсында шамамен 575 га ашық аумақ алапат отқа оранды, деп хабарлайды Azattyq Rýhy.

Облыстық ТЖД мәліметінше, қурап қалған шөп өртенді.

Өртті сөндіруге ТЖД мен жергілікті атқарушы органдардың күштері мен құралдары тартылды. Өрт сөндіру жұмысына жеке құрамнан бас-аяғы 85 адам, 18 техника жұмылдырылды.

«Өрт сөндірушілер мен жергілікті атқарушы органдардың жедел әрі үйлесімді әрекеттерінің нәтижесінде өрт 23 қыркүйек күні 03 сағат 35 минутта толықтай сөндірілді.

Зардап шеккендер жоқ. Елді мекендер мен нысандарға қауіп төнген жоқ», – делінген ТЖД хабарламасында.