Ақтөбе тұрғыны ауласынан құнды жәдігер тауып алды

Жарияланған:
30.10.2019, 03:33

Ақтөбе қаласының тұрғыны Айдос Ақдәулет өзінің ауласынан ат әбзелдері мен жерлеу рәсімі кезінде қолданылған темір бұйымды тауып алған. Бұл туралы археолог Аслан Мамедов Fаcebook-тегі парақшасында жазды

Фото: әлеуметтік желіден

« Бұл құнды жәдігер біздің заманымызға дейінгі V-VI ғасырларға жатады. Жәдігерлерге қарап Ақтөбе қаласының Жаман Қарғалы және Жақсы Қарғалы өзендерінің бойында біздің заманымызға дейінгі бірінші мыңжылдықтың орта тұсында көшпенділер мекен еткенін айтуға болады», - деп жазды археолог.

Оның айтуынша, табылған жәдігердің бір бөлігі сақтардың аң стилінде жасалған ат әбзелдері, яғни, жүгені.

«Жәдігерлердің бірі көшпенді халықтың атқа ер салып мінгенін, оған қажетті белдікті ойлап тапқанын дәлелдейді. Бір сөзбен айтқанда, Қазақстанның батыс аймағында әскери іс дамып, ер тоқым ойлап табылған болуы мүмкін. Тағы бір жәдігер қыштан жасалған. Оны әйелдер көп қолданады. Қазылған жер құрбан шалатын орын болуы, онда салт-жоралғы жасалуы мүмкін», - деп жазды Аслан Мамедов.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
VIP спикер 15 миллион теңге гонорар сұраған: «Almaty Invest» форумына қанша қаржы жұмсалады?
Қазақ-Қырғыз шекарасындағы Қордай бекеті 2020 жылы күрделі жөндеуге жабылады
Қытаймен трансшекаралық өзендер жөніндегі келіссөз қиын жүріп жатыр – Экология министрі

Сұхбат
«Абайдың 45 сұрағына» Мәжіліс депутаты Бақытгүл Хаменова жауап берді
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов