Қазақстан экономикасы жыл басынан бері 6,3 пайызға өсті

Ұлттық статистика бюросы ұсынған алдын ала деректерге сәйкес, 2025 жылдың қаңтар-шілде айларында Қазақстанның жалпы ішкі өнімі (ЖІӨ) өткен жылдың сәйкес кезеңімен салыстырғанда 6,3%-ға артты, деп хабарлайды Azattyq Rýhy.

Негізгі өсім драйверлері

• Тауар өндіру көлемі – +8,3%;
• Қызмет көрсету саласы – +5,2% (ең қарқынды сегменттер – көлік пен сауда);
• Өнеркәсіп өндірісі – +6,9%.

ЖІӨ өсіміне ең көп үлес қосқан салалар:

• Көлік және қойма – +22,5%;
• Құрылыс – +18,5%;
• Көтерме және бөлшек сауда – +8,6%;
• Тау-кен өнеркәсібі – +8,5%;
• Өңдеу өнеркәсібі – +6,1%.

Көлік және қойма: рекордтық өсім

Көлік және қойма қызметі көлемі 22,5%-ға артты. Бұған теміржол, құбыр және автокөлік арқылы жүк тасымалының жоғарылауы ықпал етті.

Құрылыс: аймақтардағы белсенділік

Құрылыс көлемі 18,5%-ға өсті.

• Түркістан облысы (+34,6%) – мектептер, теміржол және автожолдар құрылысы;
• Ақтөбе облысы (+25,6%) – «Жайлы мектеп» жобалары, жолдарды реконструкциялау;
• Жамбыл облысы (+13,1%) және ШҚО (+5,9%) – тұрғын үйлер, медициналық нысандар, электр желілері.

Сауда: тұрақты жоғары динамика

Сауда көлемі 8,6%-ға өсті.

• Көтерме сауда – +9,5% (жалпы өсімнің 66%-дан астамын берді);
• Бөлшек сауда – +6,6%.

Ең жоғары көрсеткіштер:

• Қостанай облысы – +17,6%;
• СҚО – +12%;
• Астана – +9,2%;

Бұл өңірлерде астық, агрохимия, азық-түлік, отын, фармацевтика және техника сату көлемі айтарлықтай артты.

Өнеркәсіп: барлық өңірде өсім

Өнеркәсіп өндірісі 6,9%-ға көбейді. Көшбасшы өңірлер:

• Жамбыл облысы – +18,2%;
• СҚО – +14,9%;
• Шымкент – +15,8%;
• Алматы – +13,5%;
• Түркістан облысы – +12,3%.

Өңдеу өнеркәсібі: машина жасау алда

Өңдеу өнеркәсібі өсімі – 6,1%, оның ішінде:

• Машина жасау – +14%;
• Азық-түлік – +9,2%;
• Мұнай өнімдері – +8,6%;
• Химия – +6%;
• Металлургия – +1,3%.

Ауыл шаруашылығы: тұрақты қарқын

Ауыл, орман және балық шаруашылығы өндірісі 3,7% деңгейінде. Мал шаруашылығы өнімдері:

• Сүт – +6,1%;
• Мал және құс бордақылау – +2,1%;
• Жұмыртқа – +0,9%.

Үкіметтің жоспары

Үкімет экономиканың тұрақты өсімін қамтамасыз ету үшін негізгі салаларды қолдау, әртараптандыру және инвестициялық белсенділікті ынталандыру шараларын жалғастыруда. Бұл бағыттағы жұмыстар президент тапсырмалары аясында бақылауда тұр.