Аншлаг: Дженнифер Лопестің Астанадағы концертінің билеттері бірнеше сағатта бітіп қалды

Әлемдік мегажұлдыз Дженнифер Лопестің Астанада өтетін концертінің билеттері бірнеше сағатта бітіп қалды, деп хабарлайды Azattyq Rýhy.

Билет сатылатын Тикетон сайтында қазір аншлаг болып жатқаны хабарланды.

«Ұйымдастырушылар бөлген квотаға – аншлаг! Билеттерді 30 маусымға дейін тапсыруға болады. Ал 1 шілдеден бастап билеттер қайтарылмайды», - деп жазды Тикетон сайты.

Айта кетейік, 1 тамыз күні өтетін әлемдік әнші Дженнифер Лопестің концертіне билеттер бүгін сағат 11:00-де сатылымға шыққан. Алайда Тикетон сайты билет сатып алушылардың көптігінен істемей, жұрт онлайн кезек-кезегімен алуға мәжбүр болды.