Қостанай облысында 18 гидротехникалық нысан жөнделді

Су тасқынына қарсы қандай шаралар атқарылды?

Фото: министрліктің баспасөз қызметі

Қостанай облысында көктемгі су тасқынының қауіпсіз өтуін қамтамасыз ету мақсатында 18 гидротехникалық нысан жөнделді, деп хабарлайды Azattyq Rýhy ҚР Ирригация және су ресурстары министрлігінің баспасөз қызметіне сілтеме жасап.

Су тасқынына қарсы мынандай шаралар атқарылды: 21 елді мекенде қорғаныс бөгеттері салынды; дамба құрылыстары 9 ауданда және Рудный қаласында аяқталды; Жангелдин ауданына қарасты Шеген, Сарысу және Тауыш ауылдарында жұмыстар соңына жақындап қалды.

Сонымен қатар Тобыл-Торғай су бассейні инспекциясы ірі су қоймаларының жұмыс кестесін бекітті. Облыс аумағындағы гидротехникалық нысандар тәулік бойы бақылауда.

Мақалада

#Қостанай облысы #су тасқыны #министрлік #гидротехникалық нысан #тасқын су

Алдыңғы жаңалық

«Семей» футзал клубы Қазақстан кубогының иегері атанды