«Семей» футзал клубы Қазақстан кубогының иегері атанды

«Семей» футзал клубы «Қайратты» финалда 3:0 есебімен жеңіп, 2024/25 маусымындағы Қазақстан кубогын иеленді, деп хабарлайды Azattyq Rýhy Futsalkazakhstan-ға сілтеме жасап.

Финалдық ойын барысында «Семей» бірінші таймның өзінде үш гол соғып, айқын басымдыққа ие болды. Екінші таймда да команда ойын тізгінін уысынан шығармай, бірнеше қауіпті шабуыл ұйымдастырды.

Финалдың ең үздік ойыншысы Кайо Торрес атанды. Ол екі гол соғып, екі нәтижелі пас берді. Сонымен қатар, жеңімпаз команданың құрамындағы Дедезиньо да бір голдың авторы атанды.