«Өмір өкінішсіз, қиындықсыз болмайды»: Роза Әлқожа көпшілікті ойға салып қойды

Әнші Роза Әлқожа желіде жазба жариялап, өтіп бара жатқан 2024 жыл жайлы ойын білдірді, деп хабарлайды Azattyq Rýhy.

Ол өз сөзінде алдағы жылдан күтер жақсылық көп екенін тілге тиек етті.

«Жыл аяқталып жатыр, ә?! Барлық қызық-қуаныш үшін рахмет, 2024! Әрине, өмір өкінішсіз, қиындықсыз болмайды. Бірақ шырғалаңынан шаттығы көп болды.

Аты айтып тұрғандай карма жылы – тазару, жаңару, жаңғыру жылы болды, шүкір! Үйде де, сапарда да, сахнада да елеулі істер ішінде жүрдік.

Алдағы жылдан күтер айбынды сәттер көп. Аяулы, әзиз ғұмырды абыройлы жандармен ұмытылмастай өткізе беруге жазсын! Еліміз аман, жеріміз аман болсын!» - деп жазды әнші Роза Әлқожа.