Немересін шетелде оқытпақ болған әжей алаяқтарға 18 млн теңгесін аударып жіберген

Астанада немересін өзге елде оқытпақ болған 58 жастағы зейнеткер шет мемлекеттерге оқытуды ұйымдастыратын қызмет орталығына алданып қалды, деп хабарлайды Azattyq Rýhy.

Полиция департаментінің мәліметінше, жәбірленуші немересінің армандарын орындаймын деп қателікке жол берді. Күдікті оқуға баратын бес шет мемлекетін ұсынып, өз есеп шотына ақшаны аудартып алады. Шығын көлемі – шамамен 18 млн теңге.

Сотқа дейінгі тергеу амалдары жүргізіліп жатыр. Осыған ұқсас тағы 49 эпизод бар екені белгілі болды.

«Тәртіп сақшылары алаяқтардың тұрғындарды алдауға сан алуан тәсілдер ойлап табатынын және онлайн сатып алу, қызмет көрсету бойынша сақ болуды тағы бір еске салады», - делінген хабарламада.