Си Цзиньпин Ақтаудағы ұшақ апатын терең күйзеліспен қабылдағанын айтты

Ол Қытай үкіметі мен халқының атынан қаза тапқандардың туған-туыстарына көңіл айтты

Фото: Ақорда

ҚХР төрағасы Си Цзиньпин мемлекет басшысы Қасым-Жомарт Тоқаевқа көңіл айту жеделхатын жолдады. Бұл туралы Azattyq Rýhy агенттігі Ақорданың баспасөз қызметіне сілтеме жасап хабарлайды.

Қытай Халық Республикасының төрағасы Си Цзиньпин Ақтау маңында Azerbaijan Airlines әуе компаниясының жолаушылар ұшағы апатқа ұшырауы салдарынан көптеген адамның, соның ішінде Қазақстан азаматтарының қайтыс болғаны туралы суыт хабарды терең күйзеліспен қабылдағанын жеткізді.

Сондай-ақ Қытай үкіметі мен халқының атынан қаза тапқандардың туған-туыстарына көңіл айтты.