Доллар қайта қымбаттап барады

Қазақстандық қор биржасында (KASE) күндізгі сауда-саттық қорытындысы бойынша доллардың орташа өлшенген бағамы 521,81 теңгені құрап, 5,76 теңгеге өсті, деп хабарлайды Azattyq Rýhy.

ҚР Ұлттық Банкі бойынша доллардың 27 желтоқсандағы ресми бағамы 515,25 теңгені құрайды.

Kurs.kz мәліметінше, қазіргі уақытта Алматының айырбастау пунктерінде долларды сатып алудың орташа бағамы 521,75 теңгеге, сату 526,41 теңгеге тең. Астананың айырбастау пунктерінде доллар орташа есеппен 520 теңгеден сатып алынады, 527 теңгеден сатылады.

Естеріңізге сала кетейік, 23 желтоқсандағы күндізгі сауда-саттық қорытындысы бойынша доллардың орташа өлшенген бағамы 0,23 теңгеге төмендеді, 24 Желтоқсанда 7,47 теңгеге төмендеді, 25 желтоқсанда 1,08 теңгеге төмендеді, 26 желтоқсанда 0,14 теңгеге өсті.