Семейде медициналық дипломды заңсыз алуға әрекет жасалды

Семей қаласының полицейлері медициналық дипломды заңсыз алуға қатысты алаяқтық әрекетті анықтады, деп хабарлайды Azattyq Rýhy Abainewskz телеграм каналына сілтеме жасап.

49 жастағы жергілікті тұрғын 28 жастағы әйелге медициналық колледждің дипломын алып беруге уәде беріп, 500 000 теңгесін иемденген. Алайда, ақшаны алған күдікті диплом бермей, қаражатты өз қажеттіліктеріне жұмсаған.

Нәтижесінде зардап шеккен әйел ақшасыз және уәде етілген дипломсыз қалды.

Алаяқтық дерегі бойынша күдіктіге қатысты сотқа дейінгі тергеу басталды. Күдікті өз кінәсін мойындағанымен, полиция зардап шеккен әйелдің медициналық дипломды заңсыз алуға тырысқаны үшін жауапкершілікке тартылатынын нақтыламады.

«Білімді, кәсіби дағдыларды немесе басқа құқықтарды растайтын құжаттар тек заңды жолмен алынуға тиіс. Заңды айналып өту әрекеттері тек қаржылық шығындарға ғана емес, сонымен қатар ауыр заңдық салдарға әкелуі мүмкін», – деп мәлімдеді Абай облысының ПД өкілдері.