ІІМ басшысы жол апатынан қаза болған полицейлердің отбасыларына көңіл айтты

Ішкі істер министрі Ержан Сәденов Жамбыл облысында жол апаты кезінде қаза болған полицейлердің отбасыларына көңіл айтты, деп хабарлайды Azattyq Rýhy.

«Жамбыл облысында жол қауіпсіздігін қамтамасыз етіп жүріп, қызметтік борышын орындау барысында қаза тапқан полиция қызметкерлерінің отбасына және жақындарына қайғыра көңіл айтамын.

Олардың елге сіңірген еңбегі ешқашан ұмытылмайды. Қаза тапқандардың отбасыларына барлық қажетті көмек көрсетіледі. Қайғылы оқиғаның мән-жайын тергеу барысы менің жеке бақылауымда», - деп жазды Ержан Сәденов.

Айта кетейік, Жамбыл облысында жол апатынан екі полицей мен бірнеше жолаушы қаза болды.