Алматыда кафе қызметкерінің қолын ет тартқыш турап тастады (видео)

Алматы қаласының Қалқаман шағын ауданындағы кафеде 1999 жылы туған жұмысшының қолын ет тарқыш тартып кетті. Бұл туралы Azattyq Rýhy ҚР ТЖМ РЖҚЖ баспасөз қызметіне сілтеме жасап хабарлайды.

Ведомство мәліметінше, жедел топтың келуімен ер азаматты жедел жәрдем тобы алып кеткені белгілі болды. ҚР ТЖМ РЖҚЖ құтқарушылары зардап шегушінің қолын ауруханада алып шығарды.

Құтқарушылар электромеханикалық құрылғылармен жұмыс істеу кезіндегі қауіпсіздік ережелері туралы еске салды. Олар:

• Құрылғының дұрыс орнатылғанына және дұрыс жұмыс істейтініне көз жеткізіңіз.
• Пайдалану нұсқаулығы бойынша қолданыңыз.
• Қорғаныс құралдарын киіңіз.
• Құрғақ жағдайда жұмыс істеңіз.
• Жұмыс аймағын таза ұстаңыз.
• Ақаулар болған кезде дереу өшіріңіз.
• Бөлшектеу немесе тазалау алдында қуатты өшіріңіз, кесу элементтерін тазалау үшін щетканы пайдаланыңыз.