Мақтааралда эвакуацияланған 17 мың тұрғын үйлеріне оралады

Түркістан облысы Мақтаарал ауданындағы эвакуацияланған Мырзакент кенті мен Ақжол ауылының тұрғындары өз үйлеріне оралатын болды, деп хабарлайды Отырар телеарнасы.

«Облыстық төтенше жағдайлар штабы аталған елдімекендерде тасқын судан келетін қауіптің жоқтығын анықтаған. Ал, қалған елдімекеннің тұрғындары қауіп толық сейілгенше уақытша эвакуациялық бекеттерде болады», - делінген ақпаратта.

Оқи отырыңыз: Мақтааралдағы су тасқынына байланысты Үкіметтік комиссия құрылды

Айта кетейік, ауданда су тасқыны болып, Жеңіс, Өргебас, Достық, Жаңатұрмыс, Фирдоуси ауылдарынан жалпы 31 мың азамат қауіпсіз аймаққа шығарылған болатын. Соның 17 мыңнан астамы Мырзакент кенті мен Ақжол ауылының тұрғындары.