Шымкентте терроризмді насихаттап, діни алауыздық тудырмақ болған тұрғын сотталды
Оның кінәсі толықтай дәлелденді
Ұлттық қауіпсіздік комитеті терроризмді насихаттау және діни алауыздықты қоздыру фактісі бойынша Шымкент қаласының тұрғынына қатысты қылмыстық істі тергеп-тексеруді аяқтады, деп хабарлады Azattyq Ruhy.
Шымкент қаласының қылмыстық істер бойынша ауданаралық соты оны аталған қылмыстарды жасағаны үшін кінәлі деп танып, 7 жылға бас бостандығынан айыруға жазалады.
«Сотталған интернетте радикалды уағызшылардың дәрістерін зерделеп, Сириядағы діндестерімен байланыста болып, жалған атпен әлеуметтік желіде зорлық-зомбылық экстремизм идеологиялық материалдарын жариялаған», - делінген ҰҚК хабарламасында.
Сотқа дейінгі тергеп-тексеру барысында оның кінәсі толықтай дәлелденді.
2023 жылғы 17 қыркүйекте үкім заңды күшіне енді.
