Астанада көпқабатты үйден шыққан өрт сөндірілді

Астанада көпқабатты үйден шыққан өрт сөндірілді. Бұл туралы ҚР Төтенше жағдайлар министрлігінің баспасөз хатшысы мәлім етті, деп хабарлайды Azattyq Rýhy.

«Бүгін сағат 17:39-да ҚР ТЖМ астаналық бөлімшелеріне Мәңгілік ел даңғылы, 19 мекенжайында орналасқан 14 қабатты «Айсанам» тұрғын үй кешенінің 7-қабатында өрт шыққаны туралы хабар келіп түсті. ТЖМ бөлімшелері өрт шыққан жерге жедел аттанып кетті. Оқиға орнына жеке құрамның 20 маманы мен 5 техникасы жұмылдырылды. Адамдарды қауіпсіз жерге шығару және өртті сөндіру жұмысы жүргізілді. Сағат 18-10-да өрт сөндірілді», - деді ҚР Төтенше жағдайлар министрлігінің баспасөз хатшысы Руслан Иманқұлов.

Оның атап өтуінше, зардап шеккендер мен қаза тапқандар жоқ.

Өрт кезінде қауіпсіз жерге шығарылған адамдар саны мен тілсіз жау келтірген материалдық шығын анықталып жатыр.

«Өрт шарпыған аумақ алдын ала мәліметтерге сәйкес 40 шақырымды құрайды», - деді ол.