Алматы облысында шөп шабуға кеткен 14 жастағы бала 9 күннен бері табылмай жатыр

Алматы облысының полицейлері із-түзсіз жоғалып кеткен 14 жастағы баланы іздестіріп жатыр. Бұл туралы облыстық ПД баспасөз қызметі мәлім етті, деп хабарлайды Azattyq Rýhy.

Талғар ауданының полициясы 2007 жылы туған Қасейін Мұралға іздеу салды. Ол Талғар ауданының Көкдала кентінен 11 қыркүйек күні сағат 14:00 шамасында шөп шабуға үйінен шығып кетіп, осы уақытқа дейін қайтып оралмаған.

«Бойы 165 см, дене бітімі орташа, көздері қоңыр, шаштары қара.Үстінде ашық сұр түсті жемпір, қара шорты, аяқтарында қызыл кроссовка болған. Іздестіріліп жатқан жасөспірімге қатысты қандай да бір ақпарат білсеңіз 8 701 375 92 91 немесе 102 телефондары арқылы хабарласуды сұраймыз», - делінген хабарламада.