Зеленский Лукашенконың әйеліне қарсы санкциялар енгізді

Украина Беларусь Президенті Александр Лукашенконың әйелі Галинаға қарсы санкциялар енгізді. Бұл туралы ел президенті Владимир Зеленскийдің Ұлттық қауіпсіздік және қорғаныс кеңесінің (СНБО) санкциялар туралы шешімін қабылдаған Жарлығында айтылған.

Украина мемлекеті басшысының сайтында жарияланған құжаттың мәтініне сәйкес Галина Лукашенкоға қарсы санкциялар 10 жыл мерзімге енгізілді.

Олар 13 шектеу шараларын, соның ішінде активтерді бұғаттауды және жер учаскелерін сатып алуға тыйым салуды білдіреді.

Айта кетейік, қыркүйек айының басында Украина Үкіметі Лукашенко мен ресейлік жеке және заңды тұлғаларға қарсы жаңа шектеулерді мақұлдады.

Бейсенбі күні Беларусь Президенті ел азаматтарына, егер олар тұрақты өмір сүргісі келсе, оның шешімдері мен мемлекеттік органдардың шешімдерін ұстануды ұсынды.

Бұған дейін, 15 наурызда АҚШ Қаржы министрлігі Ресей мен Беларуссияның 15 жеке тұлғасына, соның ішінде Ресей Федерациясының әскери басшылығының өкілдеріне қатысты жаңа санкциялар енгізгені белгілі. Санкциялар Беларусь Президенті Александр Лукашенконың әйелі Галинаға да әсер етті.