«Иманбек - еліміздің шетелдегі елшісі»: Тоқаев жас диджейдің әлем жастарына танымалдығы туралы

«Иманбек - еліміздің шетелдегі елшісі». Бұл туралы Президент Қасым-Жомарт Тоқаев Павлодар облысына барған сапарында айтты, деп хабарлады Azattyq Ruhy.

«Еліміздің күші адамдарда, олардың қайраты мен білімінде және патриоттығында. Сондықтан да адамгершілік мемлекеттік саясатымыздың негізгі өлшеміне айналды. Қарапайым халықтың мүддесіне, елдің әлемдік ауқымда тартымды жаңа келбетін қалыптастыруға ерекше көңіл бөлуіміз керек. Ұлттық мәдениетті шетелде ілгерілету мен жаңғыртуға Павлодар облысынан келген жаңа қазақ «мәдени толқынының» өкілдері орасан зор үлес қосып жатыр», - деді Тоқаев.

Ол атағандай, классикалық өнердің білгірлері Еуропаның үздік опера сахналарында арияларды орындайтын Мария Мудряктың дауысынан ләззат алады.

«Grammy сыйлығының иегері Иманбек Зейкеновтің танымал музыкасы бүкіл әлем жастары арасында ыстық ықыласқа ие. Олар өз ұрпағының дарынды өкілдері мен шетелдегі мәдениетіміздің елшілеріне айналды», - деді Тоқаев.