Түркістан облысында жыл басынан бері 755 азамат қаңғыбас иттен зардап шеккен

Azattyq Rýhy

Өңірде мысықтан, жылқыдан, уақ малдан да теперіш көргендер бар

Түркістан облысында жыл басынан бері 755 азамат қаңғыбас иттен зардап шеккен
Фото ашық дереккөзден

Түркістан облысында жыл басынан бері 755 азамат қаңғыбас иттен зардап шеккен. Бұл туралы облыстық санитарлық-эжпидемиологиялық бақылау департаменті мәлім етті, деп хабарлайды Azattyq Rýhy.

 Өңірде мысықтан, жылқыдан, уақ малдан да теперіш көргендер бар. Мәселен, 120 тұрғын мысықтан, 49 адам жылқыдан, 9 адам уақ малдан зардап шеккен. Сондай-ақ, 68 азамат басқа да жануарлардан зәбір көріпті.

«Санитариялық-эпидемиологиялық бақылау басқармаларының эпидемиологтары ветеринариялық қызмет мамандарымен бірлескен шараларды жүзеге асырып, орын алған ошақтарда тексеру жұмыстарын жүргізіп жатыр. 20 жануар құтыру ауруына күдікті ретінде тексеріліп, оның біреуі оң нәтиже берді. Аса қауіпті жұқпалы ауралардың алдын алу шаралары Түркістан облысы санитарлық-эжпидемиологиялық бақылау департаментінің қатаң бақылауында», - дейді департаменттің баспасөз хатшысы Ардақ Берден.


 

 

×
Бұл желілік ресурстың ақпараттық өнімдері 18 жастан асқан адамдарға арналған.