Маңғыстау облысында Полиция департаментіне жаңа бастық тағайындалды

ҚР Президент әкімшілігі мен Маңғыстау облысы әкімінің келісімі бойынша Маңғыстау облысы Полиция департаментінің бастығы лауазымына полиция генерал-майоры Бақтыбаев Жанарбек Төлеубекұлы тағайындалды, - деп хабарлайды Azattyq rýhy тілшісі Polisia.kz-ке сілтеме жасап.

Жаңа басшыны жеке құрамға ҚР Ішкі істер министрінің орынбасары Арыстанғани Заппаров таныстырды.

Жанарбек Бақтыбаев 1963 жылы дүниеге келген. Ішкі істер органдарында 1983 жылдан бері қызмет атқарады. ІІМ Орталық аппаратының басшылық лауазымдарында, сондай-ақ Павлодар, Қызылорда, Шығыс Қазақстан Полиция департаменттерінде басшылықта тәжірибесі мол.

Ал, облыстағы Полиция департаментінің экс-бастығы, полиция полковнигі Таймерденов Қанат Даниярұлы Алматы қаласы Полиция департаментінің бастығы болып тағайындалды.