ШұғылCOVID-19: Қазақстанда 14 адам өкпені жасанды желдету аппаратына қосылған

Нұр-Сұлтанда Байқоңыр ауданының әкімі тағайындалды

Жақында Байқоңыр ауданының бұрынғы әкімі Асқар Есілов пара алды деген күдікке ілінді

фото: astana.gov.kz

Бүгін Президент Әкімшілігінің және қалалық мәслихат депутаттарының келісімімен Нұрсағатов Нұрбол Төлегенұлы Нұр-Сұлтан қаласындағы Байқоңыр ауданының әкімі болып тағайындалды. 38 жастағы Нұрбол Нұрсағатов меритократия қағидасына сәйкес жетекші маманнан бастап, комитет төрағасының орынбасары, басқарма басшысы лауазымына дейінгі жолдарды өткен тәжірибелі маман. Бұл туралы ақпаратты қала әкімдігінің баспасөз қызметі хабарлады.

2004-2005 жылдары Индустрия және сауда Министрлігінің құрылыс Комитетінде жетекші маман, бас маман болып бастаған.

2005-2008 жылдары қала әкімдігінің Мемлекеттік сәулет-құрылыс бақылау басқармасында бас маман, бөлім басшысы, директор орынбасары болған.

2008-2011 жылдары Астана қаласы әкімдігінің Құрылыс басқармасы басшысының орынбасары;

2011-2012 жылдары Ауыл шаруашылығы Министрлігінің су ресурстары Комитеті төрағасының орынбасары лауазымын атқарған.

2014-2019 жылдар аралығында Шығыс Қазақстан облысы әкімдігінің Көлік және автомобиль жолдары басқармасына, Алматы қаласы әкімдігінің Құрылыс басқармасына және Нұр-Сұлтан қаласы әкімдігінің Қоршаған ортаны қорғау басқармасына басшылық жасады.