Қазақстандық оқушылардың жазғы демалысы қашан басталады

Azattyq Rýhy

Мектеп оқушыларының каникулы 1 қыркүйекке дейін жалғасады

Қазақстандық оқушылардың жазғы демалысы қашан басталады
Фото: tlum.ru

Білім және ғылым министрі Асхат Аймағамбетов 2021-2022 оқу жылын аяқтау мерзімдерін бекіту туралы бұйрыққа қол қойды, деп хабарлайды Azattyq Rýhy.

«Еліміздің мектептерінде оқу жылын аяқтау және емтихандарды өткізу туралы бұйрыққа қол қойдым. Барлық қазақстандық орта білім беру мекемесі оқу жылын 25 мамырда аяқтайды. Жазғы мектеп 26 мамыр мен 17 маусым аралығында ұйымдастырылады», - деп хабарлады БҒМ басшысы.

Асхат Аймағамбетов 9 және 11-сынып оқушылары үшін қорытынды емтихандары бекітілген кестеге сәйкес өткізілетінін мәлімдеді.

Ал мектеп оқушыларының каникулы 1 қыркүйекке дейін жалғасады.

Бұйрықтың толық мәтінімен мына жерден танысуға болады.

×
Бұл желілік ресурстың ақпараттық өнімдері 18 жастан асқан адамдарға арналған.