Елордада «дельта плюс» штамы анықталды

Нұр-Сұлтанда коронавирус инфекциясының «дельта плюс» штамы анықталды. Бұл туралы қаланың бас мемлекеттік санитар дәрігері Сархат Бейсенова мәлім етті, деп хабарлайды Azattyq Rýhy.

«Желтоқсан айының басында жүргізілген зерттеу нәтижелерінің мәліметтеріне сәйкес, елордада «дельта» және «дельта плюс» штамы айналымда жүр», - деді ол қала әкімдігінде өткен баспасөз мәслихатында.

Сөз арасында елорданың бас дәрігері мәліметтерге тоқталып өтті.

«Қазір Нұр-Сұлтан қаласында «дельта» штамы 47 пайыз, ал «дельта плюс» штамы 41 пайыз айналымда жүргені анықталып отыр», - деді Сархат Бейсенова.