Алдағы үш күнде 32 градусқа дейін аяз болады

«Қазгидромет» мамандары 28-30 желтоқсан аралығында ел аумағында болатын ауа райына болжам жасады, деп хабарлайды Azattyq Rýhy.

Алғашқы күндері Солтүстік-батыс циклоны елдің солтүстігіне, солтүстік-батысына және шығысына әсер етеді. Салдарынан қар жауып, боран соғып, жел күшейеді. Бұдан кейін суық ауа массаларының басып кіруінен республиканың басым бөлігінде жауын-шашын тоқтап, ауа температурасы төмендейді.

Тек шығыс пен оңтүстік-шығыста ғана құбылмалы ауа райы сақталады. Термометр бағаны түнгі уақытта республиканың солтүстік жартысында 25-32 градус аязға дейін, орталықта 15-25 градусқа дейін, оңтүстік және шығыс өңірлерде 10-18 градусқа дейін төмендейді.