Қазақстанда мемлекеттік органдар бизнеске зиян келтіргені үшін жауапқа тартылатын болады

Azattyq Rýhy

Сенат бизнесті жүргізу жағдайын жақсарту жөнінде заң қабылдады

Фото ашық дереккөзден

Енді мемлекеттік органдардың лауазымды тұлғалары бизнеске залал келтіргені үшін заңды түрде жекелей жауапты болады. Сенаторлар бүгін қабылдаған заңда осындай қағида бекітіліп отыр. Бұл туралы Azattyq Rýhy ведомствоның баспасөз қызметіне сілтеме жасап хабарлайды.

Бизнесті жүргізу үшін оңтайлы жағдай жасау – құжаттың басты мақсаты. Мысалы, бизнеске қойылатын қосымша талаптардың пайда болуына орай енді «1 in 2 out» қағидаты бойынша күрес жүретін болады. Бұл дегеніміз, бір жаңа талап енгізілгенде немесе бизнеске қатысты реттеуді қатаңдатқанда – бизнесті құқықтық реттеудегі сол саладан басқа екі талап алынып тасталуы тиіс.

«Бұл заң Мемлекет басшысының тапсырмаларын орындау үшін әзірленді. Құжатта бизнесті қолдайтын жаңа заңнамалық шаралар ұсынылды. Соған сәйкес, бизнесті реттейтін құқықтық актілерді әзірлеу және қабылдау тәртібі кәсіпкерлердің заңды мүдделерін ескере отырып күшейтіледі. Бұл заң бизнесті дамытуға қажетті жағдайларды қамтамасыз етуге және мемлекеттік органдар тарапынан кәсіпкерлердің қызметіне негізсіз араласуды болдырмауға бағытталған», - деді Мәулен Әшімбаев.

×
Бұл желілік ресурстың ақпараттық өнімдері 18 жастан асқан адамдарға арналған.