WhatsApp мессенджері кейбір смартфондарда істен шығады

Бағдарламаның қолдау орталығының парақшасында 2020 жылдың 1 қаңтарынан бастап WhatsApp мессенджері iOS және Android операциялық жүйелерінің ескі нұсқаларында істен шығатыны жазылған, - деп хабарлайды Azattyq Rýhy тілшісі РИА Новостиға сілтеме жасап.

Қосымшаның жұмыс істеуі үшін Android-та 4.0.3 және одан жоғары, ал iOS-та 9, KaiOS-та 2.5.1 және одан жаңасы болуы тиіс. Ал бұдан ескі нұсқаулар болса, қолданушылар мессенджерде тіркеле алмайды және өз аккаунттарын пайдалана алмайды.

Компания ескі смартфондар үшін жаңа жүйе құрастырмайдытындықтан, кейбір қосымшалар кез келген уақытта істен шығуы мүмкін.