ШұғылCOVID-19: Қазақстанда өткен тәулікте 7800-ге жуық адамнан вирус анықталды

Степногорск белсенділері қала әкімі лауазымына Нұрлан Сабуровтың кандидатурасын ұсынды

Жақында Степногорск тұрғындары қаланы экологиялық апаттан қорғау үшін Нұрлан Сабуровқа жүгінді

фото: ашық дереккөзден

Степногорск қаласының белсенді тұрғындары қала әкімі лауазымына танымал стендап-комик Нұрлан Сабуровтың кандидатурасын ұсынды.

«Жеңіп шығатыныңызға сеніміміз мол. Сіз осы қаладан түлеп ұштыңыз. Қала тұрғындары Сізді жақсы көреді, Сіз де қаланы жақсы көресіз деп сенеміз», - дейді белсенді Айтшөкен Қожахметқызы.

Белсенділердің айтуынша, Степногорск қаласында қордаланған мәселе өте көп. Экология, құрылысы аяқсыз қалған көпқабатты үйлер, ТКШ және т.б.

«Қалаға тың көзқарастағы жаңа басшы керек. Президент Қасым-Жомарт Тоқаев айтқандай, креативті индустрияға инвестиция тарту керек», - дейді қала белсенділері.

Еске сала кетейік, жақында Степногорск қаласының тұрғындары қаланы экологиялық апаттан қорғау үшін танымал стендап-комик Нұрлан Сабуровқа жүгінді.

«Біз шенеуніктерге деген сенімімізді жоғалттық, олар демонстрациялық алаңдаушылықтан басқа ештеңе көрсетпейді, біз ортақ үй - Степногорск қаласын қирататын бақытсыздықпен жалғыз қалдық. Сізден, Нұрлан Әлібекұлы, сіздің туған қалаңыз Степногорск қаласының қоршаған ортаның сыни жағдайына және жас ұрпақтың денсаулығына назар аударуыңызды сұраймыз», - дейді тұрғындар.

Танымал стендап-комик Нұрлан Сабуров жерлестерінің үндеуін қолдап, жауап берді

«Біз - Степногорск тұрғындары ПХД-ға қарсымыз», - деп жазды ол өзінің Instagram желісіндегі парақшасында.