Алматыда танысын зорлаған бұрынғы прокурор мен банк менеджері сотталды

Алматы қаласы Бостандық аудандық сотында жабық режимде өткен отырыста бұрынғы прокурор мен екінші деңгейлі банк менеджеріне қатысты іс қаралды. Алайда, сот үкімі адамдардың қатысуымен оқылып, Қанат Әлиқұл мен Тимур Тілембаев кінәлі деп танылып, әрқайсысы 8 жылға бас бостандығынан айырылады. Екеуі де жазасын орташа қауіпсіздік мекемесінде өтейді.

«Сот 2019 жылдың 7 қарашасынан 8 қарашасына қараған түні Алматы қаласының тұрғындары А. мен Т.-ның мас күйде жәбірленуші М.-ны зорлап қорқытып, зорлық-зомбылық көрсетіп, зорлап, жыныстық сипаттағы басқа да әрекеттер жасағанын анықтады. Сотталушылардың кінәсі куәгерлердің, жәбірленушінің айғақтарымен және сараптама қорытындыларымен дәлелденді», - делінген хабарламада.

Олардың қылмыс жасаған кезде мас болғаны ескеріліп, жаза күшейтілгені айтылды.

Еске сала кетейік, бұған дейін Azattyq Rýhy тілшісі Алматыда қыз зорлаған экс-прокуратура қызметкері әлі де жазаланбағанын жазған еді.