«Taza sailau» бақылаушылары өткен сайлауды қорытындылады

11 қаңтарда Алматы қаласында «Taza sailau» тәуелсіз бақылаушылар азаматтық қозғалысы өкілдері Мәжіліс пен барлық деңгейдегі мәслихаттар депутаттарын сайлауды бақылауын қорытындылап, баспасөз мәслихатын өткізді.

Іс-шараға «Балалар қорғау» қоғамдық қорының құрылтайшысы Жанна Ахметова, саясаттанушы Эдуард Полетаев, ПЕН-клубтың басшысы Бигелді Ғабдуллин, журналистер Махат Садық пен Ерқанат Көпжасарұлы сөз сөйледі.

«Taza sailau» тәуелсіз бақылаушылар қозғалысы Қазақстанның 25 қаласындағы 3138 сайлау учаскесіне 5 мыңға жуық байқаушыны жіберген. Осылайша, «Taza sailau» 10 мың сайлау учаскесінің 31%-ын қамтыды.

Бигелді Ғабдуллин сайлау әділ және таза өткені туралы мәлімдеді.

«Қозғалыс құрылған сәттен бастап онлайн мектеп ашылып, бақылаушыларды оқытты. 2 ай ішінде мектеп еріктілерді оқыту бойынша онлайн семинарлар мен тренингтер өткізді», - деді ол.

Жанна Ахметова дауыс беру қорытындысы бойынша ел бойынша 500 бұзушылық анықталғанын, бұл қатарда Алматы, Нұр-сұлтан, Шымкент қалалары көш бастап тұрғанын айтты.

Журналист Ерқанат Көпжасар 500 бұзушылықтың 16%-ы сайлау учаскелерінде анықталған және алдын алынған бұрмалау екенін айтты.

«Жалпы, Нұр-Сұлтан қаласы бойынша 17 бұзушылық фактісі анықталды. Мысалы, №335 учаскеде сайлаушы жас қыздың тіркеу журналында оның қолы бар екенін анықтаған кезде факт тіркелді. Аталған факті бойынша акт жасалды», - деді ол.

Саясаттанушы Эдуард Полетаевтың айтуынша, тәуелсіз бақылаушылар енгізілген шектеулерге байланысты саяси партиялардың кейбір өкілдері учаскелерге кіре алмаған.

«Taza sailau» бақылаушылары жергілікті жерлердегі ЖСУ өкілдерімен дауласып, сайлау учаскелерінде болу құқығын дәлелдеуге мәжбүр болды», - деді ол.

Сондай-ақ, қатысушылар бұзушылықтар Шығыс Қазақстан облысында да анықталғанын атап өтті, онда Семей және Өскемен қалаларының бақылаушылары сайлау учаскілердің суықтығына шағымданған. Бұл ретте құқық бұзушылық анықталған жоқ. 

Сонымен қатар, Мәжіліс пен түрлі деңгейдегі мәслихаттар сайлауы бір мезгілде өтетіндіктен, сайлаушыларға біреуден артық бюллетень беріледі.

«Кейбір азаматтар бір сайлаушыда бірнеше бюллетень болған кезде түсінбеушіліктер болды. Бірақ «Taza sailau» байқаушылары сайлаушыларға осындай сәттерді түсіндірді, соның ішінде әлеуметтік желілерде посттар жариялады», - деді Жанна Ахметова.

Ақпарат үшін:

«TAZA SAILAU» тәуелсіз бақылаушылардың тіркелмеген азаматтық қозғалысы әлеуметтік желілерде, атап айтқанда қоғамшыл Жанна Ахметованың бастамасымен басталған болатын. Бұл бастаманы қоғам қайраткері Бигелді Ғабдуллин, журналист Махат Садық, тележурналист Ерқанат Көпжасарұлы және саясаттанушы Эдуард Полетаев қолдады.