Қытай ДДСҰ сарапшыларына COVID-19 инфекциясына қатысты тергеу жүргізуге рұқсат берді

Мамандар 14 желтоқсанда індеттің шығу себебін зерттеу үшін Қытайға барады

көрнекі фото: reuters

Дүниежүзілік денсаулық сақтау ұйымының (ДДСҰ) халықаралық сарапшылар тобы Коронавирустың пайда болу себебін анықтау мақсатында 14 қаңтарда Қытайға барады. Бұл туралы Reuters хабарлайды.

Бастапқыда ДДСҰ сарапшылары Қытайға қаңтар айының басында баруы керек еді. Алайда, Пекин тиісті рұқсат беру процесін кешіктірген.

ДДСҰ-ның соңғы мәліметі бойынша, пандемия басталғалы әлемде 88 миллионнан астам адам коронавирус жұқтырды, салдарынан 2 миллионға жуық адам қайтыс болған.

Еске сала кетейік, Қытайдың Ухань қаласы COVID-19 инфекциясының ошағы болып саналады. Қауіпті инфекция Ухань қаласынан Қытайдың басқа өңірлеріне, кейін өзге елдерге де тарап кетті.

Мақалада

#Қытай #тергеу ісі #Ухань #COVID-19 #ДДСҰ

Алдыңғы жаңалық

«Taza sailau» бақылаушылары өткен сайлауды қорытындылады