Бүгін, 09:29
Қоғам

Марқакөлде балалардың көзінше сынып жетекшісін балағаттаған оқушы  30 мың теңге айыппұл төлейтін болды

Бала эмоцияма ие бола алмадым дейді

Марқакөлде балалардың көзінше сынып жетекшісін балағаттаған оқушы  30 мың теңге айыппұл төлейтін болды
Фото: istockphoto.com

Шығыс Қазақстан облысында мұғалімге былапыт сөз айтқан 17 жастағы ұл балаға 30 275 теңге айыппұл төлейтін болды, деп хабарлайды Azattyq Rýhy

Жағымсыз оқиға Марқакөл ауданында болған. Баланың ісін де сол Марқакөл аудандық соты қараған.

«Сот анықтағандай, 2026 жылы 19 қазанда сабақ барысында жасөспірім сыныптастарының көзінше сынып жетекшісін былапыт сөздермен балағаттап, қоғамдық тәртіпті бұзған», - деп хабарлайды ШҚО соттары.

Сот оның әрекетін Әкімшілік құқық бұзушылық туралы кодекстің 434-бабын бұзды деп есептеп, оған айыппұл салған.

«Шығыс Қазақстан облысының Марқакөл аудандық соты 17 жастағы оқушыға ұсақ бұзақылық жасағаны үшін 30 275 теңге көлемінде айыппұл салды», - деп хабарлайды соттың баспасөз қызметі.